Афіцыйны сайт ФК «Тарпеда-БЕЛАЗ» Жодзіна

Аляксандр Макась: «Думаю, шурпатасці ў гульні хутка знікнуць»

 

Нападаючы Аляксандр Макась, якія папоўніў шэрагі аўтазаводцаў цяперашняй вясной, у міжсезонных спарынгах галоў не забіваў. Не атрымалася ў яго вызначыцца і ў матчы за Суперкубак, дзе гулец выходзіў на замену і правёў на полі не так шмат часу. Затое ў чвэрцьфінальным паядынку са «Слуцкам» Аляксандр выйшаў у стартавым складзе і прынёс сваёй новай камандзе першую перамогу ў сезоне. Яму і слова!

– Гульня атрымалася вясновай, як і большасць у пачатку сезона – у ёй было шмат барацьбы і не вельмі шмат футбола. Але добра тое, што добра заканчваецца. Чакалі, што супернік будзе дзейнічаць ад абароны – так і атрымалася. «Слуцк» – добрая каманда, якая валодае дыхтоўнымі гульцамі на ўсіх без выключэння пазіцыях. Таму паядынак у адказ простым дакладна не будзе.

На гэты раз мы дзейнічалі ў два нападнікі, і асабіста ў мяне не заўсёды ўсё атрымлівалася, паколькі звыклей дзейнічаць у нападзе аднаму. Але, думаю, гэтыя шурпатасці хутка знікнуць. У міжсезонных спарынгах мне вызначыцца не атрымалася, таму вельмі рады, што забіў у самым пачатку сезона. Хоць самае галоўнае, што перамагла наша каманда, а хто забіў – гэта другараднае.

Тое, што матч праходзіў на штучным полі, натуральна, адбілася на дзеяннях футбалістаў, але каманды знаходзіліся ў аднолькавых умовах.

Асабліва хочацца падзякаваць нашым заўзятарам. Іх падтрымка адчувалася на працягу ўсёй сустрэчы, а тое, што трыбуна знаходзілася побач з полем, надавала дадатковыя сілы. Спадзяюся, што і ў Бабруйску мы не застанемся без падтрымкі.

четверг, 16.03.2017 14:34
Актуальная інфармацыя

ФК “ТАРПЕДА-БЕЛАЗ” АБ’ЯЎЛЯЕ НАБОР
У ГРУПУ ПАДРЫХТОЎКІ 2010 г.н.

Пачатак заняткаў – верасень.

Звяртацца па тэлефонах:
+375 44 477 29 62 (Міхал Дзям’янавіч Русак, трэнер)
5 10 49 (Вадзім Міхайлавіч Бразоўскі, начальник аддзела развіцця маладзежнага футбола)

партнёры