Афіцыйны сайт ФК «Тарпеда-БЕЛАЗ» Жодзіна

Аляксандр Паўлавец выкліканы ў галоўную каманду краіны

 

Абаронца ФК «Тарпеда-БЕЛАЗ» Аляксандр Паўлавец ўпершыню ў кар’еры атрымаў выклік у нацыянальную зборную Рэспублікі Беларусь.

Раніцай панядзелка Аляксандр яшчэ трэніраваўся з маладзёжнай зборнай, рыхтуючыся да таварыскага матчу супраць зборнай Расіі, а ўжо да вечара перабраўся ў размяшчэнне галоўнай каманды краіны. Ігар Крывушэнка ў экстраным парадку выклікаў у зборную Паўлаўца замест траўмаванага абаронцы брэсцкага «Дынама» Аляксея Гаўрылавіча.

Акрамя Аляксандра Паўлаўца ў размяшчэнні зборнай знаходзіцца Максім Скавыш, а Аляксандру Макасю, які таксама атрымаў выклік у зборную, адведзены час для аднаўлення пасля траўмы.

Нагадаем, што 1 чэрвеня зборная Беларусі згуляе ў гасцях таварыскі матч са зборнай Швейцарыі, 9 чэрвеня дома правядзе матч кваліфікацыі чэмпіянату свету ФІФА супраць зборнай Балгарыі, а 12 чэрвеня ў Мінску сыдзецца ў спарынгу са зборнай Новай Зеландыі.

вторник, 30.05.2017 07:53
Актуальная інфармацыя

ФК “ТАРПЕДА-БЕЛАЗ” АБ’ЯЎЛЯЕ НАБОР
У ГРУПУ ПАДРЫХТОЎКІ 2010 г.н.

Пачатак заняткаў – верасень.

Звяртацца па тэлефонах:
+375 44 477 29 62 (Міхал Дзям’янавіч Русак, трэнер)
5 10 49 (Вадзім Міхайлавіч Бразоўскі, начальник аддзела развіцця маладзежнага футбола)

партнёры