Афіцыйны сайт ФК «Тарпеда-БЕЛАЗ» Жодзіна

Андрэй Хачатуран: «У другой палове матчу дзейнічалі упэўнена, дадалі ў руху»

 

Аўтар галявой перадачы ў віцебскім матчы Андрэй Хачатуран распавёў клубнай прэс-службе пра свае ўражанні ад гульні.

Недалічыліся двух ачкоў і, натуральна, расчараваныя вынікам, бо прапусцілі ўжо ў кампенсаваны час. Вось калі б мы зраўнялі лік на апошніх хвілінах, тады настрой быў бы іншым. У нас былі яшчэ добрыя моманты, каб забіць, аднак падвяла рэалізацыя. Супернік нічым не здзівіў, усё, пра што нам казалі на тэарэтычных занятках – так было і на полі.

Газон апынуўся цяжкім – мокрым і мяккім, і ўсё роўна – у якіх буцах, на колькіх шыпах на ім гуляць. Але гэта не паўплывала на вынік, бо поле было аднолькавым для абедзвюх каманд.

Першы тайм мы правялі горш – шмат перабудоўваліся, гулялі без мяча, што, натуральна, забрала шмат сіл. Аднак з задачай не прапусціць справіліся. У другой палове дзейнічалі ўпэўнена, адчулі мяч і дадалі ў руху, таму, на мой погляд, правялі гэтыя сорак пяць хвілін лепш суперніка. Ну, а што датычыцца канчатковага выніку – гэта футбол, за яго непрадказальнасць яго і любяць.

суббота, 22.04.2017 13:24
Актуальная інфармацыя

ФК “ТАРПЕДА-БЕЛАЗ” АБ’ЯЎЛЯЕ НАБОР
У ГРУПУ ПАДРЫХТОЎКІ 2010 г.н.

Пачатак заняткаў – верасень.

Звяртацца па тэлефонах:
+375 44 477 29 62 (Міхал Дзям’янавіч Русак, трэнер)
5 10 49 (Вадзім Міхайлавіч Бразоўскі, начальник аддзела развіцця маладзежнага футбола)

партнёры