«Аўтазаводцам» уручылі бронзавыя медалі

21 студзеня адбылася ўрачыстая цырымонія ўзнагароджання каманды «ТАРПЕДА-БЕЛАЗ» – бронзавага прызёра чэмпіянату Беларусі па футболе сезона 2020 года.

Акрамя галоўных віноўнікаў урачыстасці – футбалістаў і трэнераў, у вялікай зале Палаца культуры БЕЛАЗ ушаноўвалі усіх датычных да гэтай гістарычнай для жодзінскага футбола перамогi – заснавальнікаў і спонсараў, супрацоўнікаў клуба.

Павіншаваць «аўтазаводцаў» прыехалі старшыня АБФФ Уладзімір Базанаў, дырэктар дэпартамента па правядзенні спаборніцтваў Ігар Цаплюк, начальнік галоўнага ўпраўлення спорту і турызму Мінаблвыканкама Яўген Булойчык, кіраўнікі Мінскай абласной федэрацыі футбола Алег Чыкун і Юры Майстроў.

Цырымонію ўзнагароджання перамяжоўвалi канцэртныя нумары ў выкананні калектываў Палаца культуры.

Напрыканцы мерапрыемства да заўзятараў звярнуліся галоўны трэнер каманды «ТАРПЕДА-БЕЛАЗ» Юры Пунтус і генеральны дырэктар ААТ «БЕЛАЗ» – кіруючая кампанія холдынгу «БЕЛАЗ-ХОЛДЫНГ» Сяргей Нікiфаровіч, запэўніўшыя, што і каманда, і галоўны заснавальнік і партнёр клуба прыкладуць усе намаганні да таго, каб не апусціць высокую планку, пастаўленую ў мінулым годзе.