Афіцыйны сайт ФК «Тарпеда-БЕЛАЗ» Жодзіна
  • Шэрагі аўтазаводцаў папоўніў Міхаіл Бабічаў
    Падрабязнее
  • Лепшы гулец «Тарпеда» ў 2017 годзе на думку балельшчыкаў – Камо Аганісян
    Падрабязнее
  • Дзевяць футбалістаў растаюцца з Жодзіна
    Падрабязнее

Дублёры адкрылі сезон буйной перамогай

 

Першынство дублюючых складаў каманд вышэйшай лігі стартавала! Жодзінскім дублёрам пачатак сезону відавочна атрымаўся – у пятніцу на сваім полі яны прымалі дубль «Іслачы» і атрымалі перамогу з буйным лікам – 3:0.

Калі ў першым тайме каманды не саступалі адзін аднаму ў актыўнасці і па чарзе напружвалі абарону суперніка, то пасля перапынку падапечныя Сяргея Ярмоленка цалкам завалодалі ініцыятывай. Жодзінцы метадычна выціснулі гасцей са сваёй паловы поля і шэрагам атак вымусілі капітуляваць абарону «Іслачы». Стварылася ўражанне, што ў першай палове гульні аўтазаводцы старанна падрыхтавалі сабе наступальны плацдарм, выявілі ўсе слабыя месцы суперніка, і ў другім тайме ўжо білі па яго «болевых кропках». Пачатак паклаў Анатоль Макараў, замкнуўшы прастрэл «з-пад абаронцы» Аляксандра Краснова. Праз некалькі хвілін Толя прымаў ад партнёраў віншаванні з галявым дублем, а давяршыў разгром «Іслачы» падняты з рэзерву са свежымі сіламі Аляксандр Драчоў. Пры гэтым усе тры галявыя атакі нарадзіліся з зладжаных камандных дзеянняў.

Варта заўважыць, што тарпедаўскі дубль ў першай афіцыйнай гульні сезона вырабіў ўражанне не толькі вынікам, але і цэласнай, дыхтоўнай гульнёй, у якой былі не толькі звыклыя жаданне і самааддача, але і выразны малюнак, адпрацаваныя камбінацыі, добры ўзровень узаемадзеяння. Відавочная праца, праведзеная ў перыяд перадсезоннай падрыхтоўкі, і за выступам каманды ў першынстве дублёраў вызначана будзе цікава назіраць.

31 сакавіка, Жодзіна. Матч першынства дублёраў.
ТАРПЕДА-БЕЛАЗ (д) – ІСЛАЧ (д) – 3:0.
ТАРПЕДА-БЕЛАЗ: Абрамовіч, Бялко, Джугір (к), Гатагаў, Канашонак, Сідар, А.Макараў, С.Макараў, Кулінковіч (88, Фамін), Красноў, Цурко (66, Драчоў).
Запасныя: Сіліч, Лабаноўскі, Татаржынскі, Баранаў, Паўлючэнка.
ІСЛАЧ: Белы, Хмялеўскі, Карканіца (79, Дзмітрук), Гарцуеў, Фядотаў (82, Лазарчык), Марыніч, Клачко (к), Федзючок (87, Каляда), Кротаў, Цыганенка, Матусевіч (11, Бурма, 79, Фірага).
Запасныя: Мазур, Свірэпа.
Галы: 1:0 – А.Макараў, 66. 2:0 – А.Макараў, 78. 3:0 – Драчоў, 85.
Папярэджанні: Драчоў, 90+2 / Марыніч, 60, Федзючок, 69.

пятница, 31.03.2017 21:53
Актуальная інфармацыя

Лепшыя бамбардзіры чэмпіяната             

1. Міхаіл Гардзейчук (БАТЭ) – 18                            
2. Павел Савіцкі (Нёман) – 15
3. Баян Дубаіч (Гарадзея) – 12
3. Антон Сарока (Дынама-Мінск) – 12
4. Егор Зубовіч (Тарпеда-БЕЛАЗ) – 11              

Лепшыя асістэнты чэмпіяната     

1. Ігар Стасевіч (БАТЭ) – 11
2. Дзмітрый Рэкіш (Тарпеда-БЕЛАЗ) – 10
3. Эдгар Аляхновіч (Шахцёр) – 8
3. Мікалай Януш (Шахцёр) – 8
3. Дзмітрый Лебядзеў (Гарадзея) – 8     

партнёры