Афіцыйны сайт ФК «Тарпеда-БЕЛАЗ» Жодзіна

Ігар Крывушэнка развітаўся з Жодзіна

 

Матч з «Алмалыкам» стаў развітальным для Ігара Крывушэнка на пасадзе галоўнага трэнера ФК «Тарпеда-БЕЛАЗ». Перад пачаткам гульні, пры пабудове каманд, намеснік генеральнага дырэктара ААТ «БелАЗ» – кіруючая кампанія холдынгу «БЕЛАЗ-ХОЛДЫНГ» Аляксандр Бацюк падзякаваў Ігара Мікалаевіча за шматгадовую працу ў жодзінскім клубе і пажадаў яму поспехаў у далейшай трэнерскай дзейнасці. Ігару Крывушэнка і Алегу Кузьмянку, які таксама пакідае «Тарпеда-БЕЛАЗ», былі ўручаны памятныя падарункі ад Беларускага аўтазавода і футбольнага клуба. У слове ў адказ Ігар Мікалаевіч падзякаваў кіраўніцтву ААТ «БелАЗ», футбалістам і супрацоўнікам клуба, балельшчыкам каманды.

Характэрна, што ўсю гульню Ігар Мікалаевіч і Алег Піліпавіч актыўна кіравалі дзеяннямі каманды, нібыта і не было растання. Прафесіяналы засталіся прафесіяналамі да канца.

Тарпедаўскі фан-сектар вывесіў на гульні банэр, адрасаваны Ігару Мікалаевічу, і пасля фінальнага свістка трэнер падышоў развітацца з актыўнымі заўзятарамі «чорна-белых» – тут былі і цёплыя словы, і дужыя поціскі рукі. Трыбуны развіталіся з Ігарам Крывушэнка гучнымі апладысментамі.

воскресенье, 23.07.2017 21:28
Актуальная інфармацыя

ФК “ТАРПЕДА-БЕЛАЗ” АБ’ЯЎЛЯЕ НАБОР
У ГРУПУ ПАДРЫХТОЎКІ 2010 г.н.

Пачатак заняткаў – верасень.

Звяртацца па тэлефонах:
+375 44 477 29 62 (Міхал Дзям’янавіч Русак, трэнер)
5 10 49 (Вадзім Міхайлавіч Бразоўскі, начальник аддзела развіцця маладзежнага футбола)

партнёры