Афіцыйны сайт ФК «Тарпеда-БЕЛАЗ» Жодзіна
  • «Шахцёр» пераможаны, гонка працягваецца!
    Падрабязнее
  • Іван Канавалаў, Міхаіл Калугін і Ян Афі правялі ўрок футбола ў СШ №5
    Падрабязнее
  • З Алегам Кубаравым заключаны доўгатэрміновы кантракт
    Падрабязнее

Мароз працы не перашкода

 

Рэзкае пахаладанне ніяк не паўплывала на праграму вучэбна-трэніровачнага збору аўтазаводцаў. Сёння за гадзіну да паўдня каманда звыкла выйшла на сінтэтыку стадыёна «Тарпеда» і пачала заняткі.

Ніякіх зменаў у праграме, – пацвярджае Ігар Крывушэнка. – Планы трэніровак я складаю без аглядкі на надвор’е. Магу толькі па сітуацыі ўнесці нязначныя карэктывы – калі моцна пахаладае, даць парням больш рухацца, каб не змерзлі.

Уласна кажучы, іншага адказу ад трэнера, які працаваў у свой час з «Сібірру», чакаць і не прыходзілася.

Паніжэнне тэмпературы ніяк не паўплывала на настрой гульцоў – займаюцца з тым жа жаданнем і азартам. Спачатку з распранальні многія выходзяць, заматывая ніжнюю частку твару шалікамі і хусткамі, але па ходзе трэніроўкі, разгарачаныя, ўжо, падобна, зусім не заўважаюць марозу. Моладзь – Юрый Паўлюкавец, Аляксей Бялевіч – грэбуе нават шапкамі, бегае з непакрытай галавой.

Пантэра, ты там не змерз? – пытаюцца футбалісты ў Яўгена Абрамовіча, якому на адпрацоўцы ўдараў па варотах пасля розыгрышаў выпаў ценявы бок поля. Але галкіперу, які ўдосталь наскакаўся па кутах, здаецца, якраз пот з твару выціраць.

Сіноптыкі абяцаюць, што праз пару дзён маразы спадуць. Але нават калі яны памыляюцца, за трэніравальны працэс аўтазаводцаў хвалявацца ўсё адно не даводзіцца.

среда, 25.01.2017 13:45
Актуальная інфармацыя

Лепшыя бамбардзіры чэмпіяната             

1. Міхаіл Гардзейчук (БАТЭ) – 18                            
2. Павел Савіцкі (Нёман) – 14
3. Антон Сарока (Дынама-Мінск) – 12
4. Егор Зубовіч (Тарпеда-БЕЛАЗ) – 11              

Лепшыя асістэнты чэмпіяната     

1. Ігар Стасевіч (БАТЭ) – 11
2. Дзмітрый Рэкіш (Тарпеда-БЕЛАЗ) – 10
3. Эдгар Аляхновіч (Шахцёр) – 8
3. Мікалай Януш (Шахцёр) – 8     

партнёры