Афіцыйны сайт ФК «Тарпеда-БЕЛАЗ» Жодзіна
  • Запрашаем на матч завяршэння сезону!
    Падрабязнее
  • «Шахцёр» пераможаны, гонка працягваецца!
    Падрабязнее
  • Іван Канавалаў, Міхаіл Калугін і Ян Афі правялі ўрок футбола ў СШ №5
    Падрабязнее

Ёсць доўгачаканая перамога!

 

Паўтара месяца без перамог (няхай крыху менш з улікам кубкавай гульні са «Смалявічамі-СТІ») – гэта шмат. А яшчэ – гэта крыўдна, паколькі ў трох матчах пад кіраўніцтвам новага трэнерскага штаба «Тарпеда-БЕЛАЗ» зусім не выглядаў слабым. Таму з такім натхненнем жодзінскія заўзятары сустрэлі ў суботу перамогу сваёй каманды над «Віцебскам».

Свайго даволі моцнага суперніка тарпедаўцы абыгралі упэўнена, практычна не падаўшы апаненту шанцаў. І хоць доўгі час кошт быў «хісткім», асабліва хвалявацца за зыход сустрэчы аўтазаводцы сваім прыхільнікам не далі. Дзейнічалі надзейна, можна нават сказаць, самавіта, дэманструючы, быць можа, не самую відовішчную, але якасную і змястоўную гульню.

Зрэшты, відовішчнымі атрымаліся галоўныя моманты гэтага матчу – абодва ўзяцця варот. На заканчэнні першай чвэрці гадзіны гульні ў тарпедаўцаў прайшла хуткая камбінацыя – Камо Аганісян навесіў з левага фланга на супрацьлеглы, ад цэнтра поля да перадачы ірвануў Андрэй Хачатуран, прыняў мяч і прастрэліў у варатарскую, куды набягаў Максім Скавыш. Ўдар галавой адразу – і мяч у варотах! А на заключным адрэзку гульні вынікам зацятых вылазак аўтазаводцаў ва ўладанні суперніка стаў штрафной недалёка ад кута пляцоўкі віцяблян. Андрэй Хачатуран усім сваім выглядам даў зразумець, што будзе навешваць, а сам прабіў у далёкі кут варот, застаўшы знянацку Дзмітрыя Гушчанка. Моцны, прыгожы, а галоўнае, дакладны і выніковы ўдар!

Такім чынам, першая перамога пад кіраўніцтвам Алега Кубарава адбылася. І хай здабытыя ў матчы з «Віцебскам» тры ачкі пакуль не занадта адбіліся на турнірным становішчы каманды, зазіраць у будучыню стала весялей. І не без падстаў – «Тарпеда-БЕЛАЗ» упэўнена намацвае сваю гульню.

ТАРПЕДА-БЕЛАЗ – ВІЦЕБСК – 2:0.
19 жніўня, Жодзіна, стадыён «Тарпеда», 950 гледачоў.
Суддзя: Я.Навумаў (Мінск).
ТАРПЕДА-БЕЛАЗ: Хаткевіч, Аганісян (Калугін, 66), Панкавец (к), Макась (Зубовіч, 20), Дарашэнка (Шчэрба, 78), Хачатуран, Скавыш, Алексіевіч, Клімовіч, Паўлавец, Афанасьеў.
Запасныя: Сарока, Клапоцкі, Рэкіш, Джугір.
ВІЦЕБСК: Гушчанка (к), Скітаў, Бабічаў, Квашук, Ледэсма (Шкурын, 78), Мацвеенка (Салавей, 59), Казлоў, Цімашэнка, Волкаў (Вяргейчык, 68), Навумаў, Карамушка.
Галы: 1:0 – Скавыш, 14 (пас – Хачатуран). 2:0 – Хачатуран, 85 (са штрафнога).
Папярэджанні: Цімашэнка (40), Навумаў (43), Скавыш (90).

суббота, 19.08.2017 23:41
Актуальная інфармацыя

Лепшыя бамбардзіры чэмпіяната             

1. Міхаіл Гардзейчук (БАТЭ) – 18                            
2. Павел Савіцкі (Нёман) – 14
3. Антон Сарока (Дынама-Мінск) – 12
4. Егор Зубовіч (Тарпеда-БЕЛАЗ) – 11              

Лепшыя асістэнты чэмпіяната     

1. Ігар Стасевіч (БАТЭ) – 11
2. Дзмітрый Рэкіш (Тарпеда-БЕЛАЗ) – 10
3. Эдгар Аляхновіч (Шахцёр) – 8
3. Мікалай Януш (Шахцёр) – 8     

партнёры