Афіцыйны сайт ФК «Тарпеда-БЕЛАЗ» Жодзіна
  • Запрашаем на матч завяршэння сезону!
    Падрабязнее
  • «Шахцёр» пераможаны, гонка працягваецца!
    Падрабязнее
  • Іван Канавалаў, Міхаіл Калугін і Ян Афі правялі ўрок футбола ў СШ №5
    Падрабязнее

З смагай рэваншу

 

Матч «Слуцк» – «Тарпеда-БЕЛАЗ» вынесены асабняком у праграме другога тура чэмпіянату Беларусі па футболе «БЕЛАРУСБАНК – ВЫШЭЙШАЯ ЛІГА» сезону 2017 года; усе каманды адыгралі ў выхадныя, і толькі случчакі з жодзінцамі памераюцца сіламі ў панядзелак. Увогуле, звычайная прыхамаць календара, але ў ёй лёгка можна ўгледзець і падтэкст – толькі лянівы яшчэ не назваў гэты паядынак матчам-рэваншам. І мы тут не будзем арыгінальнымі, паколькі слова «рэванш» найбольш дакладна адлюстроўвае настрой напярэдадні гэтай сустрэчы.

«Слуцк» нечакана-негадана трапіў у разрад прынцыповых супернікаў аўтазаводцаў. Нядоўгая пакуль гісторыя ўзаемаадносін каманд ужо паспела пераканаць жодзінцаў у тым, што «Слуцк» – не цукар, гульні з ім складваюцца для «чорна-белых» няпроста. Хоць ўпартых супернікаў у лізе і без таго хапае, «Слуцк» змог нанесці «Тарпеда-БелАЗ» сур’ёзную рану, якая ўсё яшчэ сыходзіць крывёй і наўрад ці хутка зацягнецца. Гаворка, вядома ж, пра Кубак Беларусі, з якога случчакі выбілі жодзінцаў яшчэ на стадыі чвэрцьфіналу, калі і тарпедаўскія заўзятары, і самі аўтазаводцы менш за ўсё былі гатовыя да такога канфузу.

Злосць, пачуццё помсты – не самыя лепшыя памочнікі. «Слуцк» даказаў, што пры сустрэчы з ім у якасці зброі куды лепш падыдзе ўменне трымаць сябе ў руках. Тарпедаўцам, несумненна, ёсць, што супрацьпаставіць гэтаму суперніку, але, як кубкавы матч, так і паядынак з «Іслаччу» паказалі, што сваімі навыкамі, сваімі ўменнямі, сваімі момантамі трэба пісьменна распарадзіцца. Толькі гэта дасць вынік і дапаможа здаволіць смагу рэваншу, якая мучыць і футбалістаў, і іх заўзятараў.

Матч «Слуцк» – «Тарпеда-БЕЛАЗ» адбудзецца ў Слуцку ў панядзелак, 10 красавіка, у 17:30. Працоўны дзень і няблізкі шлях наўрадці дазволяць многім заўзятарам «чорна-белых» патрапіць на стадыён. Балазе, матч запланаваны да паказу ў прамым эфіры на тэлеканале «Беларусь 5».

воскресенье, 09.04.2017 18:18
Актуальная інфармацыя

Лепшыя бамбардзіры чэмпіяната             

1. Міхаіл Гардзейчук (БАТЭ) – 18                            
2. Павел Савіцкі (Нёман) – 14
3. Антон Сарока (Дынама-Мінск) – 12
4. Егор Зубовіч (Тарпеда-БЕЛАЗ) – 11              

Лепшыя асістэнты чэмпіяната     

1. Ігар Стасевіч (БАТЭ) – 11
2. Дзмітрый Рэкіш (Тарпеда-БЕЛАЗ) – 10
3. Эдгар Аляхновіч (Шахцёр) – 8
3. Мікалай Януш (Шахцёр) – 8     

партнёры